SEMANA D'A LUENGA MATERNA 2017

21 DE FEBRER: DIYA D'A LUENGA MATERNA

Ista semanada se zelebra o diya d'a luenga materna y en o CEIP San Chuan de la Peña somos bulcatos con iste diya, y lo hemos alargato a una semanada entera. Hemos feito muitas cosas pa fer conziencia d'os problemas que tienen muitas luengas en o mundo, más que más, l'aragonés y a suya situazión como luenga menazata y minorizata. 

O Charraire, o nuestro corcho informatibo, s'ha plenato d'informazión, mapas y debuxos. 

Tanto os alunnos d'aragonés como toz os mayestros y ninos y ninas que pasan por iste pasaizo han puesto comprobar y aprender muitísmas cosas que no sapeban sobre a luenga d'Aragón y a suya situazión autual.

Como treballo colaborativo somos fendo dos cosas a nibel de colechio: 

• Parolas d'o mundo en o cole!: ye un proyeuto ya presentato fa unas semanadas en o CIFE Ana Abarca de Boleya en Uesca. Replegatas totas as luengas maternas, tanto d'os alunnos como d'os pais d'o cole, dende a bisión de l'aragonés, somos fendo una replega de diferens campos semanticos de ideyas- parolas y a suya evoluzión seguntes a radiz filolochica d'as luengas, fendo un estudeo comparatibo.
• Luen-ga: mayestros, alunnos, auxiliars, conseche, equipo direutivo... son replegando parolas en aragonés ta fer una luenga prou prou larga, tot lo más que se puda, que se beiga dende bien luen! 

Antimás 3 alunnos d'aragonés protagonizan o spot publizitario que s'ha feito ista añada ta zelebrar y o 21 de febrer. Podez veyer-lo abaixo. 

En clase, hemos chugato con PLICKERS y hemos resuelto una ripa de preguntas sobre a informazión d'O Charraire.  En prosimas dentradas tos contaré cómo funziona ista ferramienta 2.0. 

TREBALLANDO FIRME POR L'ARAGONÉS!

GOYOSO SAN VALENTÍN

GOYOSO SAN VALENTÍN!

Ye un diya importan ta toz, más que más ta os chicorrons. Asinas que en o San Chuan de la Peña lo celebramos tamién! ( cualsiquier escusa ye buena ta fer fiesta, no?)

Hemos feito con as ninas y ninos de infantil y primero de primaria una tarcheta de felicitación ta ra presona que más queremos en o mundo mundial ! 

Ye prou fácil de fer. Primero pegamos en cada tarcheta un folio por a parti d'aintro, dimpués pentamos os debuxos de deban y de dezaga. Pegamos u pentamos  muitos güellos en a cara d'o monstruo.

  

O zaguer paso ye pegar bels corazons y meter una dedicatoria.

Tos dixo a plantilla por si querez fer-la:

Astí tos dixo bels exemplos d'os feitos por os ninons:

Tamién ye un diya importán ta ra nuestra luenga. Como deciba a nuestro amigo Oscar Latas en o documental Ambistas/Anvistas de Iris Campos Badrés ( que por cierto, no tos lo poder perder!), a nuestra luenga no más saldrá d'a suya situación con amor, AMOR A RA NUESTRA LUENGA! 

Asinas que goyoso San Valentin ta toz! y....goyoso díya, Aragonés!

RICUERDOS D'O DIYA D'A LUENGA MATERNA 2016

            No quedan casi diyas ta o 21 de febrer, Diya Internacional d'a Luenga Materna y no pudo evitar remerar l'año pasato e como lo celebramos en o CRA Cinca Cinqueta. Plenamos a parete más gran d'o colechio de Plan con parolas en aragonés. Toz os ninos y ninas, mayestros y mayestras e incluso l'alcalde metimos paroletas bien pinchas. Bi habrá muros más conoxitos como os de Berlín u d'as Lamentacións... pero denguno tan polito!

Qué feremos istiaño en o CEIP San Chuan de la Peña de Chaca??

Ya soi con muitísmas ganas de enseñar-lo!  

DEBINETAS

Cómo se tos dan as debinetas? y en aragonés??
Si tenez curiosidá, astí tenez un enlace a una nueva autividá ta prebar suerte en a aplicación Goconqr. Son unas tarchetas con diferens debinetas que has de chirar ta conoixer as rispuestas. Si sapez de beluna más podez dixar-la en os comentarios y la metere-mos en a coleución. Cuántas más, millor!

TARCHETAS DE DEBINETAS EN ARAGONÉS

CHIP ARAGONÉS!

CAL CAMBIAR O CHIP!!!!! NO HAS SENTIU IXO NUNCA??

Cuan comencipian as clases en setiembre, os ninons encaran levan o chip d'o castellano. Cal romper con ixo y cómo millor que cambeando ixe chip y metendo-nos un atro...en aragonés! 

En a primera sesión d'o curso preparamos iste chip. Cada escolan@ y tamién a mayestra, en o mio caso, se fa un CHIP D'ARAGONÉS. 

Penta o centro como t'agane y as "patetas" d'o chip en amariello y royo, como a bandera d'Aragón. Metemos o nombre dezaga y lo plastificamos ta que nos faiga buena honra tot o curso. Ta rematar, femos un forau y metemos una laneta larga ta poder colgar-lo d'o cuello. 

Cuan plegamos, o primero de tot ye meternos o chip d'aragonés en o cuello ta ricordar-nos que podemos y debemos charrar en a nuestra luenga.

Aqui tos dixo o mio modelo pero podez trigar atros en a rete.

Aspero que tos cuaque!!

Tos dixo tamién, bels ixemplos de chips remataus.  

RISPUESTAS A RAS DEBINETAS

AQUI YE O PPS CON AS RISPUESTAS A RAS DEBINETAS. NO SE PUEDEN SENTIR PERO SI BELUNO YE INTRESATO EN O PPS CON L'AUDIO QUE LO ME DIGA Y SE LO NIMBIO!! https://drive.google.com/file/d/0BxPXVkr8s2kWSllBZnlodVlhbjA/edit?usp=sharing

DEBINETAS EN L'AINSA

O BIERNES PASATO, O BLOG PAROLERO PUYÓ A O IES SOBRARBE DE L'AINSA TA FER UNA AUTIBIDÁ PROU MAJA SOBRE DEBINETAS. TOS ANIMO A BEYER-LO E METER AS BUESTRAS RISPUESTAS EN OS COMENTARIOS.




DIMPUÉS PODREZ BEYER SI YE CORREUTO EN O PPS DEBINETAS EN L'AINSA D'O SIGUIEN POST.

OS ALUNNOS D'ARAGONÉS CON O DIYA D'A LUENGA MATERNA

OLA!! COMO YA TOS ADELANTE, EN O DIYA D'A LUENGA MATERNA SE FIZIÓN MUITAS COSAS...AQUI TENEZ BELUNAS. 
AS SIGUIENS FOTOS SON D'O TEYATRO " AS 7 CRAPETAS E O LUPO" FEITO EN SALESIANOS:

ISTOS CUATRO BIDEOS FEITOS POR OS ALUNNOS D'ARAGONÉS EN O COLECHIO MON URUEL DE CHACA:
1º PRIMARIA. A IXENA : https://www.youtube.com/watch?v=VHmWhBnjqp4

3º PRIMARIA. A ESCOBAR: https://www.youtube.com/watch?v=23YgKsfOMv4

5º PRIMARIA. ME FA MAL: https://www.youtube.com/watch?v=a9M3UKLOrDw

ESTRAESCOLAR. RASMIA: https://www.youtube.com/watch?v=SDaEBWd2E44

OS ALUNNOS D'O COLECHIO D'ANSO TAMIEN HAN FEITO UN BIDEO, ISTA BEGADA SOBRE A FALORDIA D'OS TRES COCHINS E O LUPO: https://www.youtube.com/watch?v=YGxHQDNkTek

21 de Febrero: DIYA D'A LUENGA MATERNA

Ola a toz!! o prosimo diya 21 de Febrero ye O Diya Internazional d'a Luenga Materna y ta ricordar-nos as proximas autibidas, os nuestros amigos de O Trango han feito iste video tan pincho. Asinas que a compartir- ie!!! http://www.youtube.com/watch?v=q7c1R5mOvGU Saper que a primera ye ista mesma tardi en o Colechio Salesianos de Uesca con o teyatro "As siete cabretas e o lupo", enfilato por Chesús Botaya y a siguien una Trobada de fablans en Balbastro. Biene-te-ne!! Abant!!!

HERALDO ESCOLAR CON L'ARAGONÉS

Sapez que se puede aprender l'aragonés con o Heraldo d'Aragón?? Si, si toz os miercols, en HERALDO ESCOLAR podez trobar una seuzión con autibidas y leusico ta aprender aragonés poquet a poquet. Remera!! Toz os miercols en HERALDO ESCOLAR!! A plantar fuerte!!

O MILLOR ESTIU EN IMAXENES

Ola!! tos remeraz d'as zagueras vacazions?? Con os presonaches d'o cuento "O Millor Estiu" feito en imachenes por os alunnos do CEIP Asunción Pañart de l'Ainsa podrez fer-lo!!

https://docs.google.com/file/d/0BxPXVkr8s2kWWElUVzI5WnVPRzQ/edit?usp=sharing

1º Lúmero d'o COMIC PAROLERO

Asti tenez o primer lúmero d'o Comic Parolero!! Son dos falordietas diferens feitas por os alunos d'aragonés d'o CEIP Asunción Pañart de l'Ainsa, Uesca.

https://docs.google.com/file/d/0BxPXVkr8s2kWSDdlM1V1Qm9vU0U/edit?usp=drive_web

L'AINSA EN O PRESEN Y O ESDEBENIDERO

Buen dia a toz!! O Blog Parolero viachó a la polida villa de l'Ainsa, Uesca, y os zagals y zagalas d'aragonés d'o CEIP "Asunción Pañart" fizión muitas cosas... Empezipiamos!!

A continazión tenez una d'istas autividás...

ChUeGo De LeTrAs

CUÁNTAS PAROLAS PUEDES FER CON ISTAS LETRAS?

               A  O S  C  U  M  E  N  T  I  R  H  P

BESITA D'O BLOG PAROLERO A L'AINSA

Para cuenta!! O prósimo diya 21 de Mayo o Blog Parolero biachará a l'Ainsa, a treballar con os alunnos d'aragonés d'o CEIP Asunción Pañart. Abant!

AS ESTAZIONS DE L'AÑADA

Ola a toz y todas!! a continazión tenez un enlace ta chugar con as estazions de l'añada con mosica d'o mosico Antonio Vivaldi. No ixuplidez dexar bel comentario!!
Puncha o enlace e dimpués descárgalo ta ascuitar a mosica (flecha ta baxo d'a zurda)

https://docs.google.com/file/d/0BxPXVkr8s2kWM2dNMjNYYnV0RTA/edit?usp=sharing

Primeras Parolas

Queda enguerau o Blog Parolero. Ista ye a primera entrada de muitas.
Bienbenius a toz!!